Georgina Jackson Stiúrthóir Ceaptha ar Dhánlann Douglas Hyde
Tá ríméad ar Ghailearaí Douglas Hyde ceapachán Georgina Jackson a fhógairt mar Stiúrthóir. Rachaidh sí i mbun a róil nua i mí na Bealtaine, ag teacht i gcomharbacht ar John Hutchinson, tar éis a thréimhse cúig bliana is fiche.
Tagann Georgina chuig Gailearaí Douglas Hyde ó Mercer Union, Toronto, áit a raibh sí ina Stiúrthóir Taispeántais agus Cláir ó 2013. Le linn na tréimhse seo threoraigh sí an eagraíocht i dtreo fócas athnuaite ar choimisiúnú oibre le healaíontóirí comhaimseartha atá ag teacht chun cinn agus atá bunaithe, agus í ag ardú a cháil laistigh den domhan ealaíne áitiúil, náisiúnta agus idirnáisiúnta.
Deir Georgina, “Is mór an onóir dom a bheith páirteach i nGailearaí Douglas Hyde agus táim ag tnúth lena thodhchaí a mhúnlú. Is spás tábhachtach corraitheach don ealaín chomhaimseartha í a suíomh laistigh den phríomhollscoil taighde in Éirinn - agus ag an tairseach idir an ollscoil agus an chathair. Táim ag tnúth le bheith ag obair leis an bhfoireann, le Coláiste na Tríonóide agus leis na pobail ealaíon níos leithne chun tógáil ar oidhreacht urghnách John Hutchinson, agus chun Gailearaí Douglas Hyde a mhúnlú mar spás atá dírithe ar an ealaíontóir. "
Le linn di a bheith ag Mercer Union, chuir Georgina Jackson tús le tionscadail agus taispeántais shubstaintiúla le go leor ealaíontóirí iomráiteacha lena n-áirítear Duane Linklater, Tiziana la Melia, Deanna Bowen, Liz Magic Laser agus Carlos Motta, agus chuir sí comhpháirtíochtaí cláraithe ar bun le heagraíochtaí mar Fhéile Scannán Idirnáisiúnta Toronto; Fondúireacht Ealaíne David Roberts, Londain; an Gailearaí Ealaíne Comhaimseartha, Vancouver; agus 80WSE Gallery, Nua Eabhrac, i measc rudaí eile.